БИШКЕК. 2005-жылдын 2-февралына чейин депутаттыкка кандидаттар шайлоо алдындагы үгүт иштерин жүргүзбөйт. Эгерде депутаттыкка талапкерлер тууралуу материалдар маалымат каражаттарында чагылдырылып, эфирге берилсе Кыргыз Республикасынын шайлоо Кодексинин 31-беренесинин 1-пунктун бузгандык болуп эсептелет. Ошондой эле аталган мыйзамдын 51-беренесинин 10-11- пунктуна ылайык шайлоого байланыштуу иш чараларга бекер же аразан баада кызмат көрсөтүүгө тыюу салынат. Шайлоо алдындагы бардык иш чаралардын каржы төлөмдөрү шайлоо фонду аркылуу жүргүзүлүүсү керек. Эгерде шайлоо алдында кандайдыр бир мыйзам бузуулар катталса, ага катуу чара колдонулуп, депутаттыкка талапкерликке катоодон өткөрүлбөстүгүн Борбордук шайлоо комиссиясы эскертти.
