БИШКЕК. Кыргызстан менен Франциянын аскерий тармактары келерки жылы тоо шартында иштей турган санитар инструкторлорду даярдоо, тил үйрөтүү жаатында кызматташтыкты улантат. Франциянын аскерий атташеси, полковник Жорж Кютлен менен Кыргызстан коргоо министринин орун басары Мелис Бекбоев дүйшөмбүдө Бишкекте өткөн жолугушууда ушул багытта макулдашты. Франциянын коргоо министрлиги Кыргызстанга бир күндүк иш сапары менен келген. Иш сапардын учурунда тараптар эки өлкөнүн мындан аркы кызматташтыгынын жалпы деңгээлин талкуулашты.
