Орусия парламентинин жогорку палатасы – Федерация Кеңеши бүгүн Өзбекстан менен стратегиялык өнөктөштүк жөнүндөгү келишимди ратификациялады. Эки өлкө ортосундагы тыгыз кызматташтыктын багытттарын аныктаган документке ушул жылдын июнь айында Ташкенде кол коюлган. Мамлекеттик Думанын КМШ иштери боюнча комитет башчысы Вадим Густов келишим Орусия менен Өзбекстандын коопсуздукту чыңдоо, дүйнөлүк коркунучтарга каршы биргелешип күрөшүү, региондогу бейпилдикти бекемдөө багытындагы кызматташтыгын аныктайт деп белгиледи.
