Грузиянын премьер-министри Зураб Жвания Америкалык бизнес-компания Тбилисидеги өкмөттүк резиденцияны 15 млн. долларга сатып алууну сунуш кылганын билдирди. Сатыкка коюлган "Хрцаниси" резиденциясы – көп жылдардан бери грузин жетекчилеринин башкы турак жайы жана чет элдик коноктор менен жолугушчу жай эсептелчү, анда азыр да мурдагы грузин лидери Э.Шеварднадзе жашайт экен.