БИШКЕК. Кыргызстандын Түркиянын Стамбул шаарындагы башкы консулу болуп Руслан Казакбаев дайындалды. Ага негиз берген жардыка президент Аскар Акаев өткөн жылдын 27-декабрында кол койгондугу 4-январда маалым болду. Руслан Казакбаев буга чейин Тышкы иштер министрлигинин консулдук башкармасын жетектеп келген. Ал эми Кыргызстандын Стамбул шаарындагы башкы консулу Дилде Сарбагышева өткөн айда Кыргызстандын Улуу Британиядагы элчиси болуп дайындалган.
