БИШКЕК. «Акыйкат жана прогресс» партиясынын 12 мүчөсү Жогорку Кеңештин депутаттыгына ат салышат. Бул тууралуу партиянын лидери Муратбек Иманалиев 6-январда билдирди. Анын айтымында, «Акыйкат жана прогресс» партиясынын мүчөлөрү өзүн-өзү көрсөтүү тартиби менен талапкер катары катталууга аракет жасашат. Партиянын курултайы аркылуу көрсөтүлгөн учурда ар кандай тоскоолдуктар пайда болушу ыктымал. Биз ошондуктан өзүн-өзү көрсөтүү жолун тандап алдык, деп белгиледи Муратбек Иманалиев.