БИШКЕК. Бишкектеги “Манас” аба майданынан Индиянын борбору Делиге каттоочу аба учак аркылуу Түштүк - Чыгыш Азияда табият кырсыгынан жабыркагандарга иче турган суу, жылуу одеял, балдардын кийимдери жөнөтүлдү. Суу ташкынынан жабыркагандарды колдоо корсөтүү максатында 10 - январда Бишкекте кайрымдуулук марафону өткөрүлгөн. Учурда акча каражаттары чогултулуп, кайрымдуулук акциясы уланууда. Мамлекеттик мекемелер, жеке адамдар каражат жана ар кандай буюм - теримдерден жардам көрсөтүүдө. Бул тууралуу президенттин тышкы байланыштар бөлүмүнөн 12-январда билдиришти.
