Палестина автономиясынын төрагалыгына шайланган Махмуд Аббастын ант берүү аземи ишембиге калтырылды. Бүгүн эртең менен Йордан дарыясынын батыш жээгиндеги айылга жөөт аскерлери чабуул жасап, эки араб жигитин атып өлтүрдү. Газа тилкесинде болсо башка бир кагылышууда бир израилдик аскер өлтүрүлдү. "Исламдык жихад" уюмунун айтымында, алар израилдик күзөткө буктурма уюштурган.
