Нобел сыйлыгынын ээси Ширин Эбади Иранда соттолушу мүмкүн. АКШнын Мамлекеттик катчылыгы Ирандагы адам укуктарынын абалы тууралуу тынчсыздануусун билдирди, анткени Нобел сыйлыгынын ээси Ширин Эбадиге каршы да аракеттер көрүлүүдө. Эбади кечээ күнү билдиргенге караганда, ал өлкөнүн революциялык сотуна үч күндүн ичинде келип сурак берүүгө чакырылды, антпегенде камакка алынышы мүмкүн. Эбади кандай маселе боюнча сотко чакырылып жатканы белгисиз.
