ЖАЛАЛАБАД. Кыймылдын штаб башчысы Үсөн Сыдыков катышкан жыйын президент Аскар Акаевдин Ош, Жалалабад облустарын кыдырган кезде оппозицияга айткан пикирлерин талкуулады. Анда белгиленгендей кыргыз коомчулугуна тескери пикир айтып, туура эмес маалымат таратып, эл ичин бийликтегилер өздөрү уу-дууга түшүрүп жатат. Президент айыптагандай парламенттик, президенттик шайлоодо «Элдик» кыймыл саргыч түстүү революция кылуу, же мыйзам бузууларды жасоо максатын көздөбөйт. Оппозицияны колдоону менен КМШ өлкөлөрүн алсыратууну көздөгөн эл аралык уюмдардан каржы албайт. Жыйында «Элдик» кыймыл кубаттаар талапкерлерди элге таанытуу иш ыкмаларына да сунуш киргизилди.
