БИШКЕК. Ушул аптанын этегинде парламенттик шайлоого байкоо жүргүзүү үчүн эл аралык 18 байкоочу узак мөөнөткө келет. Бул тууралуу ЕККУнун Демократия жана адам укуктары боюнча институтунун өкүлчүлүгүнөн маалымдашты. Ал эми ЕККУнун шайлоого байкоо жүргүзүү иштери боюнча 12 кишиден турган миссиясы 17-январда келген. Булардан тышкары 17 өлкөдөн 170 чамалаш өкүл шайлоого кыска мөөнөттүү байкоо жүргүзөт. Алардын катарында Финляндиянын, Британиянын, Германиянын, АКШнын, Казакстандын жана Кыргызстандын байкоочулары бар.
