БИШКЕК. 24-январда Бишкекте кыргыз-тажик чек арасын делимитациялоо боюнча өкмөттүк делегациялар ортосунда сүйлөшүүлөр башталат. Бул тууралуу сүйлөшүүдөгү кыргыз делегациясынын башчысы, тышкы иштер министринин орун басары Лидия Иманалиева билдирди. Кыргызстан менен Тажикстан чек араны кайсы документтердин негизинде делимитациялоо боюнча сүйлөшүүлөр өткөрүүдө. Мурда маалымдалгандай, ушул жумада Бишкекте кыргыз-өзбек чек арасын делимитациялоо боюнча да өкмөттүк делегациялар деңгээлинде сүйлөшүүлөр болду.
