БИШКЕК. Көз каранды эмес өлкөлөр шериктештигинин аткаруу комитетинин төрагасы Владимир Рушайло жетектеген расмий делегация 27-январда түштөн кийин Бишкекке иш сапары менен келди. Ушул эле күнү Владимир Рушайло мамлекет башчы Аскар Акаев менен жабык эшик алдында жолугушту. Тышкы иштер министрлигинин кабарлоосуна караганда, 28-январда Владмир Рушайло өкмөт башчы Николай Танаев, тышкы иштер министри Аскар Айтматов, Борбордук шайлоо комиссия төрагасы Сулайман Иманбаев менен сүйлөшүү өткөрөт. Жолугушуудан соң парламенттик шайлоого КМШ өлкөлөрүнөн жиберилген байкоочулар өкүлчүлүгүн ачуу аземи өткөрүлөт.
