БИШКЕК. 28-январда Украинанын Кыргызстандагы убактылуу ишенимдүү өкүлү Александр Болденюк маалымат жыйынын өткөрүп, Украина башка мамлекеттердин ички ишине кийлигишпесин, бирок өзүнүн ички ишине да башкалардын кийлигишүүсүнө жол бербесин билдирди. Анын айтымында, Украина Кыргызстанга карыз эмес. Ал эми кыргыз өкмөтү айтып жаткан 28 миллион доллар ал эки өлкөнүн ортосундагы соода балансындагы тескери сальдо. Кыргыз өкмөт башчысы Николай Танаев болсо 27-январда түз эфирдеги сөзүндө Киев Кыргызстанга 28 миллион доллар карыз экенин кайталап, өкмөт аны өндүрүп алууга чечкиндүү аракеттерди жасаарын билдирди.
