Өзбек президенти Ислам Каримов бүгүн Ташкен шаарында жаңы шайланган парламенттин сессиясында чыгып сүйлөп, сырттан импорттолуп келген жибек революцияларынын кандай болбосун түрүн ал токтото турганын билдирди. Анын айтымында, Украинадагый окуялардын алдын алууга өзбек өкмөтүнүн күчү жетет. Москвада чыгуучу "Независимая газетада" кыргыз президенти Аскар Акаевдин бүгүн жарыяланган маегинде дагы андай революцияны Кыргызстанга импорттоо ич-ара согушка алып келиши мүмкүн деп айтылат.
