БИШКЕК. 31-январда Кыргызстанга АКШнын мамлекеттик катчысынын жардамчысынын орун басары Лора Кеннеди бир күндүк иш-сапары менен келет. Лора Кеннеди менен бирге АКШнын Борбор Азия өлкөлөрүндөгү элчилеринин да келиши күтүлүүдө. Тышкы иштер министрлигинен маалымдагандай, Лора Кеннеди жана башка америкалык дипломаттар президент Аскар Акаев менен жолугушат. Тараптар Кыргызстан менен АКШнын ортосундагы кызматташтык мамилелеринин бүгүнкү абалы жана аларды өнүктүрүү маселелерин талкуулашат.
