Британиянын "Төртүнчү канал" деп аталган сыналгысы кечээ күнү Шамил Басаевдин видеого жазылып алынган интервьюсун көрсөткөнү менен байланыштуу Орусия жетекчилиги ырасмий нааразылык билдирди. Тышкы иштер министрлигинин айтымында, андай программалар менен террорчуларга маалыматтык колдоо көрсөтүлүүдө. Интервью декабрда жазылып алынган жана Басаев анда - орус баскынчыларына каршы Чеченстанда бир нече миң адам согушууда деп билдирген. Кээ бир орус маалымат каражаттарынын айтымында, январда Басаев курман болгон.
