Палестина автономиясынын төрагасы Махмуд Аббас менен Израил премьер-министри Ариел Шарон бейшемби күнү Мисирде жолугууга тийиш жана азыр ал саммитке даярдыктар көрүлүүдө. Бирок Палестина тараптан сүйлөшүү жүргүзгөн дипломат Саеб Эракаттын айтымында, жолугушуу бүгүн үзгүлтүккө учурады, анткени Израил күтүлгөндөй аракет көргөн жок. Кечээ күнү жөөт өкмөтү абакта отурган 900 арабды эркиндикке чыгарууга убада кылган жана туткундар бүгүн бошотулду, бирок алардын арасында узак мөөнөт отургандар жок болуп чыкты.
