БИШКЕК. Орусия Кыргызстандагы парламенттик, президенттик шайлоолор кампаниясына кийлигишпейт жана өлкө атуулдарынын тандоосун урматтайт. Мындай пикирин Орусиянын Кыргызстандагы элчиси Евгений Шмагин «Интерфакс» маалымат агентигинин кабарчысына 9-февралда берген берген маегинде билдирди. Элчинин айтымында, Орусия Кыргызстанда шайлоолордун адилеттүү, ачык жана эл аралык талаптарга ылайык өтүшүнө кызыкдар.