Түндүк Кореянын өзөктүк куралга ээ болгону тууралуу кабарды дүйнө жетекчилери терс кабыл алды. АКШ коргоо министри Доналд Рамсфелддин айтымында, бул өлкө тууралуу тынчсыздануу ого бетер күчөдү: "Өз элин өзү куугунтуктаган бул диктаторлук режимдин колуна эми өзөктүк курал да тийсе, тынчсыздануу ого бетер көбөйөт. Мен ойлойм, дүйнөдө бир да адам бул режимди мээлүн деп мүнөздөй албайт".Аны менен катар Пхеньян - анын өзөктүк программалары боюнча өтүп жаткан сүйлөшүүлөрдөн чыга турганын да билдирди жана Алмания, Британия, Орусия, Франциянын жетекчилиги Түндүк Кореяга кайрылып, аны кайра ойлонууга чакырды.
