БИШКЕК. 30-мартта Кыргызстандын алгачкы экспедициясы Эверест чокусун багындырууга жөнөйт. Ага негиз берген токтомду кыргыз өкмөтү жакында кабыл алды. Ага ылайык бийиктиги 8 миң 848 метр болгон Эверест чокусуна жүрүш 30-мартта башталып, ал 3-июнда аяктайт. Азыр Туризм, спорт комитети альпинизм, аскага чыгуу федерациясы менен бирге чокуга чыгуучу команданы даярдоого киришти. Адистердин айтымында, Эверестке чыгуунун баасы 150 миң доллар болот.