МАДРИД. Ишембиде өткөн жалпы элдик референдумда испандар Европа Биримдигинин Конституциясын колдоп беришти. Алдын ала алынган маалыматтарга караганда добуш бергендердин 77 проценти Конституцияны жактырышкан, 17 проценти болсо каршы экенин билдиришкен. Бирок референдумга тизмеге киргендердин 41 проценти гана катышты. Испания - Евробиримдиктин 10 мамлекетинин Конституцияны жактыруу боюнча референдум өткөргөн биринчи мамлекети болуп калды. Буга чейин үч өлкөнүн парламенттери жалпы европалык башмыйзамды добуш берүү аркылуу жактырышкан болчу.
