БАТКЕН. Облустук шайлоо комиссиясынын төрагасы Авазбек Жамаловдон 25-февралда алынган маалыматка караганда, облустагы 185 шайлоо участкаларына баарына бирден тунук, кошумча түрдө экиден пластикалык үкөктөр таратылды. Мындан сырткары бардык шайлоо участкалары керектүү адабияттар, бармакка белги коюучу жабдыктар менен камсыздалды. Акыркы маалыматтар боюнча облуста 214 миң 437 шайлоочу бар. Облус аймагындагы алты шайлоо округунан Жогорку Кеңештин депутаттыгы үчүн бардыгы болуп 33 талапкер ат салышууда.
