БИШКЕК. Кыргызстандагы парламенттик шайлоого эл аралык 695 байкоочу байкоо жүргүзүүдө. Алардын ичинен басымдуу бөлүгүн ЕККУнун Демократия жана Адам укуктары институту менен КМШ өлкөлөрү жиберген байкоочулар түзөт. Булардан тышкары Шанхай кызматташтык уюму, Эл аралык Лондон институту өңдүү Эл аралык уюмдардын, АКШ, Польша, Түркия, Израил, Испания, Кытай Финляндия, Румыния, Жапония элчиликтеринин өкүлдөрү да байкоочу болууда. Ал эми жергиликтүү байкоочулардын жалпы саны 15 миңге чукул. Саясий иш чараны чет өлкөлүк 75 журналист чагылдырууда.