БИШКЕК. №34 Кочкор шайлоо округунда парламенттик шайлоо 13-мартта кайра болот. Мындай билдирүүнү 28-февралда Борбордук шайлоо комиссиясынын төрагасы Сулайман Иманбаев жасады. Анкени, 27-февралда шайлоочулардын 62,74 %и талапкерлерге каршы добуш беришкен. Талапкерлердин катарында Турдакун Усубалиев, Уланбек Кыдыралиев, Нарынбек Молдоисаев бар болчу. Сулайман Иманбаевдин айтымында, шайлоочулардын көпчүлүгү үчөөнө тең каршы добуш бергендиктен, бул талапкерлер кайра шайлоого катыша алышпайт. Ал эми мурда каттоодон четтетилген талапкер Акылбек Жапаров шайлоонун келерки айлампасына талапкер катары катышуу укугу тууралуу БШК пикирин айта элек. Жапаровдун тарапкерлери шайлоо алдында марада калган талапкерлерге каршы добуш берээрин жарыя кылышкан.
