Өлкөнүн президенти Эмил Лахуд парламенттин мүчөлөрү менен премьерлик кызматка көрсөтүлө турган талапкерлерди талкуулап чыкты. Бейруттагы массалык демонстрациялардан улам өткөн айдын этегинде премьер Омар Карами кызматтан кеткен эле. Бүгүнкү талкууларда парламент спикери Наби Берри өкмөт башчылыгына Карамини кайра дайындоону сунуш кылды. Ливан оппозициясы Карамини Сириянын “тактекеси” деп эсептейт. Ал эми Сириянын өзүндө президент Башар Асаддын саясатына колдоо билдирген массалык демонстрация болуп өттү.
