Тимисоара шаарында президент Траян Басеску жүздөгөн кишинин алдында чыгып сүйлөп, коммунисттик структураларды жок кылууга сөз берди. Румыниянын батышында жайгашкан бул шаарда 1989-жылы башталган кандуу козголоңдун натыйжасында диктатор Николае Чаушескунун бийлиги кулаган эле. Мындан 15 жыл илгери Тимисоарада кабыл алынган декларацияда экс-коммунисттерди бийликке жолотпоо тууралуу айтылган, бирок андан бери өлкөнү негизинен экс-коммунисттер башкарып келишти.