БИШКЕК. "№39 Куршаб шайлоо округу боюнча Борбордук шайлоо комиссиясынын кандайдыр бир чечим кабыл алуусу болбойт. Анткени бизде шайлоону округдук шайлоо комиссиялары өткөрөт. Ал эми Куршаб округдук шайлоо комиссиясы 14-мартта Адахан Мадумаровду жеңүүчү деп тааныды", деп билдирди 15-мартта Борбордук шайлоо комиссиясынын басма сөз катчысы Нина Мухина. Эгерде жеңилген талапкер Мамат Орозбаев округдук шайлоо комиссиясынын чечимин сотко берсе, ал анын эрки деп, деп белгиледи Нина Мухина.
