БИШКЕК. “Президент Аскар Акаев келерки президенттик шайлоодо талапкерлигин койбойм деп билдирген. Анын билдирүүсүн урматтайбыз. Конституция боюнча деле ал кийинки мөөнөткө бара албайт. Биз Башмыйзамды сыйлайбыз”, деди АКШнын Кыргызстандагы элчиси Стивен Янг 16-мартта өткөн маалымат жыйынында. Анын айтымында, Акаев Башмыйзамды өзгөртпөйм деп убада берген. “Ал убадаларды эске алганда, Аскар Акаев айланасындагы ишенимдүү адамдарга Башмыйзамга өзгөртүүлөрдү киргизип экинчи мөөнөткө калтыруу аракетине жол берсе анда ал сөзгө туруксуздугун көрсөтөт”,-деди Стивен Янг.
