БИШКЕК. Укук коргоочу Турсунбек Акун Нарын-Бишкек жөө жүрүштүн катышуучуларына күч колдонгон милиция кызматкерлерине каршы кылмыш ишин козгоо өтүнүчү менен Башкы прокуратурага 17-мартта арыз жолдоду. Эске сала кетүүчү нерсе, 13-мартта Турсунбек Акун баштаган отуздай адам мамлекет башчы Аскар Акаевди кызматтан кетирүү, шайлоонун жыйынтыгын жокко чыгаруу талабы менен Нарындан Бишкекти көздөй жөө жүрүшкө чыгышкан. Ушул эле күнү кечинде милиция кызматкерлери жөө жүрүштүн катышуучуларын күч менен кармап кетишкен. Ал эми Турсунбек Акун 15-мартта бошотулган.
