БИШКЕК. 21-мартта Майлуусуу шаарынын жанындагы Бердисай участкасында көчкү жүрүп, 14 жаштагы Назира жана 8 жашар Асел Истонбаеваларды басып калып, каза болушту. Экология жана күтүүсүз кырдаалдар министрлиги тараткан маалыматка караганда, жер көчкүнүн көлөмү 50 миң кубметрди түзүп, Истонбаевалардын үйүн басып калды. Бул үй-бүлөнүн көчкү жүрүү коркунучу күч жерден көчүүсү үчүн 1994-жылы ссуда берилип, башка жакка көчүрүлгөн. Бирок алар мурунку үйүн жашылча жемиш өстүрүү үчүн пайдаланып келишкен.