БИШКЕК. Президент Аскар Акаев учурда кайда экендиги жөнүндө так маалымат таратыла элек. Айрым маалыматтарда Акаев коопсуздук үчүн Казакстанга Кордой аймагы аркылуу чыгып кеткени кабарланууда. Бирок көпчүлүк бейрасмий булактарда президент Аскар Акаев жана Элдик биримдик координациялык кеңешинин төрагасы Курманбек Бакиев Европа Коопсуздук жана Кызматташтык уюмунун төрагасынын Борбор Азиядагы өкүлү Alojz Peterle катышуусунда жолугушуу өткөрүп жаткандыгы кабарланууда. Бул маалыматты ЕККУнун Бишкек кеңсеси тастыктаган да, жокко чыгарган да жок.
