БИШКЕК. Депутаттыкка ат салышкан талапкерлердин арызына ылайык жаңы шайланган парламенттин курамындагы баш-аягы он үч шайлоо округундагы шайлоонун жыйынтыгы кайра каралат. Айрым шайлоо округдарында кайрадан добуш берүү өткөрүлөт. Бул тууралуу БШК төрагасынын милдетин аткаруучу Туйгулалы Абдраимов 28-мартта журналистерге билдирди. Анын айтымында, учурда айрым шайлоо округдары боюнча ат салышкан талапкерлерден арыздар түшүүдө. «Кайсыл шайлоо округдарында кайра шайлоо өткөрүлөөрү жакынкы күндөрү ачык болот» деп кошумчалады БШК башчысынын милдетин аткаруучу Туйгуналы Абдраимов журналистерге.
