БИШКЕК. 29-мартта премьер-министр Курманбек Бакиев өкмөт үйүндө алгачкы жыйын өткөрдү. Ага премьер-министрдин жана президенттин аппарат кызматкерлери катышты. Бакиев жыйында кызматкерлерди өз милдеттерин аткарууга киришүүнү сунуштады. Өзүнүн негизги максаты - өндүрүштү көтөрүү, жазгы талаа жумуштарын ийгиликтүү өткөрүү жана коррупцияга бөгөт коюу экендигин билдирди. Шайлоого тийиштүү документтер табылганын жана анда айрым аппарат жетекчилеринин ири акча алгандыгы көрсөтүлгөнүн белгилеп, ага тиешеси барларга тийиштүү чаралар көрүлөрүн билдирди.
