Румыния жетекчилигинин айтымында, Иракта үч румыниялык журналист 28-март күнү дайынсыз жоголду жана алар барымтага алынган болушу мүмкүн. Өлкө президенти Траян Бэсэску Ирак менен Ооганстанга барып, ал жакта кызмат өтөгөн румыниялык аскерлер менен жолугуп, жаңы эле кайтып келген жана бүгүн Бухарест шаарынан билдирүү жасап, журналисттерди бошотуу үчүн бардык аракеттер көрүлөт деп билдирди. Румыния Иракка 800 жана Ооганстанга 500 аскер жиберген.
