БИШКЕК. Соңку бир нече күндүн ичинде бийликтен чететтилген мамлекет башчы Аскар Акаевдин үй-бүлө мүчөлөрүнө тиешелүү делинген жергиликтүү банкттардагы эсептер жабылды. Ошондой эле Аскар Акаевдин үй-бүлө мүчөлөрүнө таандык делинген Кыргызстандагы эң ири ишканаларда да иликтөө жүрүүдө. Бул тууралуу Кыргызстандын Башкы прокурорунун кызматын аткаруучу Азимбек Бекназаров 31-мартта Бишкекте өткөн маалымат жыйынында билдирди. Анын айтымында ошондой эле Акаевдин үй-бүлөсүнө тиешелүү делинген Бишкектеги «Бител» компаниясынын акцияларын сатууга жана сатып алууга тыюу салынды, Канттагы «Цемент-шифер» заводуна тартип коргоо органдары тарабынан көзөмөл күчөтүлдү.