БИШКЕК. Кыргызстандын азыркы бийлиги президенттик шайлоону ачык жана калыс өткөрүү боюнча Европа комиссиясы менен кызматташууга макул болсо комиссия ЕККУ менен бирге көмөк көрсөтүүгө даяр. Мындай ой Европа Комиссиясынын тышкы байланыш жана мыкты коңшулаштык иштер боюнча комиссары Бенита Ферреро-Валднер жиберген билдирүүдө айтылат. Анда Кыргызстандын азыркы бийлигинин алдыдагы үч ай ичинде президенттик шайлоо өткөрүү жөнүндөгү чечимин колдой тургандыгы жана президенттик шайлоо өткөрүү боюнча жаңы өкмөт менен саясий, экономикалык жана социалдык маселелерди талкуулоо ниети айтылган.
