Ушул эле күнү Конституциялык соттун төрайымы Чолпон Баекова билдирүү жасап, кызматтан кетүү жөнүндө Акаев арыз береби-жокпу, ага карабастан өлкөдө президенттик шайлоо өтүшү керектигин билдирди. Баекова ошондой эле авторитардык жеке бийликтин кайра жанданышына мүмкүндүк бербеген коомдук жана мамлекеттик түзүлүштү түптөө максатында негизги мыйзамды кайра карап чыгуу, бул үчүн чукул арада конституциялык кеңешме чакыруу зарылдыгын белгиледи.
