БИШКЕК. «Мээрим» фондунун төрайымы Майрам Акаеванын кыргыз калкына кайрылуусун 5-апрелде «Кыргызинфо» маалымат агенттиги жарыялады. Анда Акаева президенттин үйбүлөсүнүн эч кандай кыймылсыз мүлкү, өнөр жай ишканалары жок экенин белгилеп, мындай айыптоолорго кезинде сот аркылуу жооп бербегенине өкүнүчүн билдирген. Азыр Москванын алдында конок катары турушкандыгын жана Россия борборунда эч кандай мүлкү, фирмалары жок экенин айтып, сот аркылуу өздөрүнө карата айтылган ушакты жокко чыгарууга үмүттөнөөрүн ачыктаган.
