БИШКЕК. “Промстрой” банктын жетекчиси Муратбек Мукашев “МСН” гезитинин 5-апрелдеги чыгарылышында берген интервьюсунда “Энергобанк Айдар Акаевге тиешелүү болчу. Бизге келген Казакстандын коммерциялык банктары аны менен түздөн түз байланышта. Алар “Казкоммерцбанк”,”Азияуниверсалбанк”,”Халыкбанк Кайрат”. Мына ушулар аркылуу акчалар адалданып турган”,-деп күнөөлөгөнү үчүн Мукашевди сотко беребиз, деди “Азияуниверсалбанктын” төрагасы Михаил Надель 6-апрелде өткөргөн маалымат жыйынында. Ал “Азияуниверсалбанк” “Энергобанк” менен кызматташпаганын, Кыргызстандын банктарында Казакстандын бир дагы акционери жок экендигин билдирди. Наделдин пикиринде, чет өлкөлүк банктар кетип калса Кыргызстан финансылык кыйроого учурайт.
