БИШКЕК. Ушул эле күнү Жогорку Кеңештин алдына эки жүздөй адам нааразылык иш чарасына чыгышты. Алар Аскар Акаевдин жан жөөкөрлөрүнөн куралган жаңы парламент тарасын, Акаевге импичмент жарыялансын, Жогорку соттун төрагасы Курманбек Осмонов кызматтан кетсин деген талаптарды айтып кыйкырып жатышты. Ошондой эле алар №27 Базаркоргон-Сузак шайлоо округунан ат салышкан талапкер Абдымүталип Хакимовго депутаттык мандат берилбөөсүн талап кылышты.
