БИШКЕК. 8-апрелде Кыргызстанга Европа комиссиясынын тышкы байланыштар боюнча директорунун орун басары Майкл Ли келди. Ал ушул эле күнү Жогорку Кеңештин төрагасы Өмүрбек Текебаев, башкы прокурордун милдетин аткаруучу Азимбек Бекназаров жана тышкы иштер министринин милдетин аткаруучу Роза Отунбаева менен жолугушту. Төрага жолугушууда Кыргызстанда саясий кризис жүрүп жатканын билдирди. Ал эми Майкл Ли бул абалдан чыгуу үчүн Европа комиссиясы өз жардамын берүүгө даярдыгын маалымдады. 9-апрелде Майкал Ли президенттин милдетин аткаруучу Курманбек Бакиев менен жолугушмакчы.
