Азербайжанда оппозиция шайлоо блогун түздү

Өкмөттүн мурдагы өкүлдөрү менен оппозициячыл активисттердин бир тобу ноябрдагы парламенттик шайлоого катышуу үчүн уюштурган бирикме "Жаңы саясат" деп аталат.

Ага киргендердин катарында Азербайжандын азыркы президенти Ильхам Алиевдин атасы Гейдар Алиев бийликте турган кезде президенттин администрациясын башкарган Элдар Намазов бар. Анын айтымында, жаңы шайлоо блогунун стратегиялык максаты - өлкөдөгү саясий системаны өзгөртүп, авторитардык жана коррупцияланышкан режимди демократиялык бийликке алмаштыруу.