Документ комиссиянын бул күндөрү Женевада өтүп жаткан жыйынында кабыл алынды. Анда АКШда 2001-жылдын 11-сентябрында жасалган терракттардан кийин мусулмандарга каршы ушак-айың кампаниясы күчөгөнү белгиленет. Комиссия диндерди, өзгөчө исламды жаманатты кылууга каршы күрөшүүгө чакырган. Резолюция долбоорун жыйынга 56 өлкө кирген Ислам конференциясы уюмунун атынан Пакистан сунуш кылды.