СПОРТ. Сауд Аравиядагы Ислам өлкөлөрүнүн оюндарына 53 мамлекеттин спортчулары катышууда. 12 спорттун түрү боюнча мелдеште кыргызстандыктар 5 түрүнөн күч сынашууда. 14-апрелде Афина олимпиадасынын катышуучусу кыргызстандык суучул Юрий Захаров 2 коло медаль утуп алган эле. 16-апрелде оор атлетика боюнча 69 килограмм салмактагы балбандардын күч сынашуусунда жаштар арасында Азия чемпиону Кутман Молдодосов Ислам оюндарынын күмүш байгесин жеңип алды.17-апрелде кыргызстандык оор атлетчилер Афина олимпиадасынын катышуучусу, студенттер арасында дүйнө чемпиону Улан Молдодосов, Камбар Токтоналиев жана Замир Ашырбаев таймашууларга катышмакчы.
