500 дөй адам тартылган мушташ өткөн жума күнү орун алган. Казакстандын Тенгиз мунай кениндеги түркиялык фирманын жетекчилиги казак улутундагы жумушчуну иштен бошоткон эле. Ушул окуядан соң казак жумушчулары эмгек акы жана иш шарты түрк жумушчуларыныкы менен бирдей болушун талап кылганда, эки жааттын мушташы башталган. Дал ушундай эле окуя быйыл февраль айында орун алган болчу. Казакстандын баш прокуратурасынын айтымында, чет элдик компаниялар жергиликтүү жумушчуларга чет элдиктер менен салыштырганда айлык акы аз төлөнгөн учурлар көп эле кездешет.
