Ирактын коопсуздук күчтөрү суннит козголоңчулары жүздөй шийитти барымтага алды деген маалыматтардан кийин Багдаддын батыш тарабында жайгашкан чакан шаарчаны курчоого алып, рейд жүргүзгөн. Расмий өкүлдөрдүн билдиргенине караганда, америкалык аскерлердин колдоосу астында өткөрүлгөн операция учурунда эч кандай каршылык көргөзүлгөн эмес, аскерлер курал-жарак, жардыруучу заттарды, бомба жасоочу жабдууларды табышкан, бирок адамдар барымтага алынганын белгиси байкалган жок. Жети миңдей тургуну бар бул шаарча суннит козголоңчуларынын таяныч бекети деп эсептелчи.
Ирактын коопсуздук күчтөрү Маден шаарчасындагы операция учурунда барымтага алынгандарды тапкан жок
