АКШ мамлекеттик катчысы Кондолиза Райс кечээ күнү Маскөөдө болгондон кийин бүгүн Вильнюс шаарына келет жана Литванын борборунда НАТО уюмунун тышкы иштер министрлеринин жыйыны өтөт. Саммитте негизинен Жакынкы Чыгыш менен Ооганстандагы абал жана Косово аймагынын келечеги талкууга алынат. НАТО министрлери менен Украина жана Орусиянын тышкы иштер министрлери Борис Тарасюк жана Сергей Лавров дагы эки башка жыйын өткөрөт.
