БИШКЕК. Өлкөнү кризистен чыгаруу, кырдаалды жөнгө салуу маселелерин 21-апрелде Бишкекте ишкер жамааттын Конгресси талкуулады. Анда өлкөнүн экономикасын стабилдештирүүдөгү ишкер чөйрөнүн олуттуу салмагы белгиленип, инвестициялардын жагдайга байланыштуу тышка бурулган агымын токтотуу чаралары каралды. Конгресстин аягында ишкерлер өлкөнүн экономикалык өнүгүүсүнө карата өкмөткө өздөрүнүн сунуштарын беришти. Конгресске 1200 ишкердин башын кошкон ишкерлердин кырктан ашык ассоциациясы мүчө.
