Бириккен Улуттардын Адам укуктар боюнча комиссиясы кечээ күнү Женевада Африканын Судан мамлекети боюнча дагы атайын резолюция кабыл алды. Бирок анда - Дарфур провинциясындагы кыргын үчүн Судан өкмөтүн сынга алган сөздөр алып салынып, түзүлгөн абал үчүн бардык тараптар жооптуу деп жазылды. Алгачкы долбоорду Европа Биримдиги даярдаган, бирок ага бир нече африкалык мамлекет каршы чыкты. Үч жылдын ичинде Дарфурда 70 миңге жакын адам курман болду.
